වත්මන් ජනාධිපතිවරයා පත්වූ දා සිට ගත වූ කාලය තුළ රට අභ්යන්තරයේ විවිධ ස්ථානවල සිදුවූ අපරාධ සම්බන්ධයෙන් යුද හමුදාව, පොලීසිය, සිවිල් ආරක්ෂක බලකාවල සේවයේ නිරතව සිට පුද්ගලයන් කිහිප දෙනෙක් ද අත්අඩංගුවට ගෙන ඇතැයි මහජන ආරක්ෂක අමාත්ය ආනන්ද විජේපාල පාර්ලිමේන්තුවේදී අද (21) ප්රකාශ කළේය.
වැඩිදුරටත් අදහස් දැක්වූ අමාත්යවරයා මෙසේ ද කීවේය. පෙර වසරේ සැප්තැම්බර් 23 වනදා සිට මේ දක්වා සිදුවූ අපරාධ ගැන අවධානය යොමු කළාම සේවයේ සිටියදීම යුද හමුදාවේ එක්කෙනෙක් දෙන්නෙක් මේ කටයුතුවල නිරත වෙනවා. මේ දින කිහිපය තුළ යුද හමුදා මේජර්වරයෙක් අත්අඩංගුවට ගෙන තිබෙනවා. යුද හමුදාවේ සෙසු නිලයන් 6 දෙනෙක් අත්අඩංගුවට අරගෙන තිබෙනවා.පොලිස් නිලධාරියෙක් අත්අඩංගුවට අරගෙන තිබෙනවා. සිවිල් ආරක්ෂක නිලධාරියෙක් අත්අඩංගුවට අරගෙන තිබෙනවා. සංවිධානාත්ම අපරාධකරුවන් 15ක් සහ අපරාධවලට අනුබලදීම සම්බන්ධයෙන් තවත් 15ක් අත්අඩංගුවට අරගෙන තිබෙනවා. ඒ විදියට තමයි මේ අපරාධ සඳහා සම්බන්ධවෙලා තියෙන්නේ” යැයි ද කීවේය.
