නුවරඑළිය නගරයේ ගබ්සා පෙති අලෙවි කළ ඔසුසැලේ හිමිකරු නුවරඑළිය කොට්ඨාස දුෂණ මර්ධන ඒකකයේ නිලධාරින් සහ නුවරඑළිය සෞඛ්ය වෛද්ය නිලධාරිවරයා එක්ව අද (06) දින අත්අඩංගුවට ගෙන තිබේ.
එම ඔසුසැල් හිමියා නීති විරෝධී ගබ්සා පෙත්තක් රුපියල් පහලොස් දහසක මිලකට අලෙවි කරන බවට කොට්ඨාස දුෂණ මර්දන ඒකකයේ නිලධාරින්ට ලද තොරතුරක් මත නුවරඑළිය සෞඛ්ය වෛද්ය නිලධාරිවරයා සමග එක්ව උපාය දුතයෙකු යොදාගනිමින් සැකකරු අත්අඩංගුවට ගත් බව දුෂණ මර්ධන ඒකකයේ ස්ථානාධිපති පොලිස් පරික්ෂක මේනන් මහතා කියා සිටියේය.
සැකකරුගේ ඔසුසැලේ අලෙවි කිරිමට තිබූ ගබ්සා පෙති රැසක් පොලිස් භාරයට ගත් බවත්, නිති විරෝධී ලෙස මෙරටට ආනයනය කරන ලද ගබ්සා පෙති මෙරට තුළ අලෙවි කිරිම සපුරා තහනම් කර ඇති බවයි, සෞඛ්ය වෛද්යවරයා කියා සිටියේ.
