ශිෂ්යත්ව විභාගයේ පළමු ප්රශ්න පත්රය සඳහා යළි විභාගය පවත්වන ලෙස නියෝගයක් නිකුත් කරන්නැයි ඉල්ලා ඊට සහභාගී වූ සිසු සිසුවියන් හා දෙමව්පියන් විසින් ඉදිරිපත් කළ මූලික මිනිස් අයිතිවාසිකම් පෙත්සම් පිළිබඳ විභාගය අවසන් කළ ශ්රේෂ්ඨාධිකරණය එහි තීන්දුව ලබන 31 වනදා ප්රකාශයට පත් කරන බව අද (18) නිවේදනය කළේය.
යසන්ත කෝදාගොඩ, කුමුදුනී වික්රමසිංහ සහ අර්ජුන ඔබේසේකර යන මහත්ම මහත්මීන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ මෙම පෙත්සම් පුරා දින තුනක් තිස්සේ විභාගයට ගැණුනි. ඒ අනුව, පෙත්සම්කාර හා වගඋත්තරකාර පාර්ශවයේ සියලුම නීතිඥවරුන්ගේ වාචික දේශන ඉදිරිපත් කිරීම අද සවස අවසන් විය.
ඉන් අනතුරුව ලිඛිත දේශන තිබේනම් ඒවා හෙට පෙ.ව. 9.00 පෙර ඉදිරිපත් කරන ලෙසත් නියෝග කළේය. ඒ අනුව, මෙම පෙත්සම්වලට අදාළ තීන්දුව ලබන 31 වනදා ප්රකාශයට පත්කරන බව නිවේදනය කළේය.
