පොල් ගෙඩි මිලියන 200ක පමණ රිලවුන් විසින් වාර්ෂිකව විනාශ කිරීම පොල් මිල ඉහළ යෑමට මූලික හේතුවක් බව හිටපු කෘෂිකර්ම අමාත්ය මහින්ද අමරවීර මහතා පවසයි. පසුගිය ආණ්ඩුව සමයේ මෙරට රිලවුන් චීන සත්ත්ව උද්යාන වෙත යැවීමට සැලසුම් කළේ මෙම තත්ත්වය පාලනය කිරීමට වැඩපිළිවෙළක් ලෙස බවත් හිටපු ඇමැතිවරයා සඳහන් කරයි.
නමුත් පරිසරවේදීන් අධිකරණයට ගොස් එය නතර කළ බවත් ගස්වල සාරි බැඳීම, තහඩු එල්ලීම, ඉඩමේ කොටසක් රිලවුන්ට අතහැරීම වැනි ප්රායෝගික නොවන විසඳුම් ඔවුන් ලබා දුන් බව ද ඒ මහතා පෙන්වා දෙයි.
තවමත් චීනයට රිලවුන් යැවීමේ අවස්ථාව පවතින නිසා එම යෝජනාව ක්රියාත්මක කරන ලෙස ආණ්ඩුවෙන් ඉල්ලා සිටින බව ද ඔහු පැවසුවේය.
