හිටපු සෞඛ්ය අමාත්ය කෙහෙළිය රඹුක්වැල්ල මහතාගේ නිල නිවස ඉදිරිපිට මල්වඩමක් තැබූ බව කියන සිද්ධියට අදාළව, වෛද්ය චමල් සංජීව මහතාට අදාළ පරීක්ෂණයක් සදහා නීතිපති උපදෙස් ලබාගැනීමට කටයුතු කර ඇති බව පොලීසිය කොළඹ මහේස්ත්රාත් අධිකරණයට දැනුම් දී ඇතැයි සඳහන්.
එම නඩුව අද (21) කැඳවූ අතර, සැකකාර වෛද්ය චමල් සංජීව මහතා ද අධිකරණය හමුවේ පෙනී සිටියේය. නීතිපති උපදෙස් ලබාගෙන කරුණු දැක්වීම සඳහා දිනයක් ලබාදෙන ලෙස කුරුඳුවත්ත පොලීසිය අධිකරණයෙන් ඉල්ලීමක් කළේය. ඒ අනුව අදාළ පැමිණිල්ල පෙබරවාරි 10 වනදා කැඳවීමට නියම කෙරුණු බව වාර්තා වේ.
