(UTV | කොළඹ) –
මැතිවරණ කොමිෂන් සභාවට, නව කාර්ය මණ්ඩලය බඳවා ගැනීම සඳහා අයැදුම්පත් කැඳවන බව පවසමින් ව්යාජ දැන්වීමක් හුවමාරු වෙමින් ඇතැයි ශ්රී ලංකා පරිගණක හදිසි ප්රතිචාර සංසදය සඳහන් කරයි.
එම ආයතනයේ ජ්යෙෂ්ඨ තොරතුරු ආරක්ෂණ ඉංජිනේරු චරුක දමුණුපොළ මහතා පැවසුවේ, එකී දැන්වීම සහිත සබැඳිය විවෘත කිරීමෙන් වළකින ලෙසයි. එය සයිබර් වංචාවක් විය හැකි බවත් ඒ හරහා ඔබගේ පෞද්ගලික තොරතුරු වෙනත් පාර්ශ්වයන් අතට පත්විය හැකි බවද හෙතෙම සඳහන් කළේය.
මැතිවරණ කොමිෂමේ නව තනතුරු සඳහා නව නිලධාරී මණ්ඩලයක් බඳවා ගැනීම සම්බන්ධයෙන් ප්රචාරය වන තොරතුරු අසත්ය බවත්, මැතිවරණ කාලයක එවැනි නව බ්ඳවා ගැනීම් නොකරන බවද මැතිවරණ කොමිෂම අවධාරණය කරයි.
