(UTV | කොළඹ) –
කොහුවල ගුවන් පාලමේ ඉදිකිරීම් කටයුත්තක් හේතුවෙන් හොරණ කොළඹ ප්රධාන මාර්ගයේ ගමනාගමන කටයුතු හෙට සිට සීමා කෙරේ. මාස දෙක කාලයක් මෙසේ රථවාහන ධාවනය සීමා කර තිබෙනවා. මේ අනුව මෙම මාර්ගයේ රථවාහන ධාවනය අදාළ කාලසීමාව තුළදී පොදු ප්රවාහන සේවා සදහා පමණක් විවෘතව තබන බව පොලීසිය නිවේදනය කරනවා.
සෙසු වාහන සදහා ගමනාගමනය සීමාකර තිබේ. එමෙන්ම හොරණ කොළඹ ප්රධාන මාර්ගයේ කොහුවල මංසන්ධිය අසලින් ධාවනය කෙරෙන බරවාහන කොහුවල පාලම දෙසට ඇතුළු කිරීම සිදුනොකළ යුතු බවයි පොලීසිය දැනුම් දෙන්නේ. ඒ අනුව හැකිතාක් විකල්ප මාර්ග භාවිත කරන ලෙස රියදුරන්ට දැනුම් දෙයි.
