(UTV | කොළඹ) –
ව්යාජ මුදල්, සහ රබර් මුද්රා ළඟ තබාගෙන සිටි කාන්තාවක් සැකපිට අත්අඩංගුවට ගෙන ඇතැයි ජා-ඇළ පොලීසිය කියයි. එම කාන්තාව සන්තයේ තිබී වෙනත් පුද්ගලයෙක් ට අයත්, හැඳුනුම්පතක්ද සොයාගෙන තිබේ.
කැලණිය කොට්ඨාස අපරාධ විමර්ශණ කාර්යාංශ නිලධාරීන් වැටලීම සිදු කර තිබේ.
එහිදී ව්යාජ රුපියල් 5,000 නෝට්ටුවක් , විවිධ රබර් මුද්රා 11 ක් පොලිස්බාරයට ගෙන තිබේ.
වෙනත් පුද්ගලයෙකුට අයත් ජාතික හැඳුනුම්පතක් සහ රියදුරු බලපත්රයක් ද, විදේශ ගමන් බලපත්ර 08 ක් ද, බැංකු පොත් කිහිපයක් ද සැකකාරිය සන්තකයේ තිබී සොයාගත් බව පොලීසිය කියයි. ජාඇල පොලීසිය මේ පිළිබද වැඩිදුර විමර්ශන සිදු කරයි.
