මහනුවර නගර සීමාවේ රජයේ පාසල් හෙට (28) සිට දින 03ක් වසා තැබීමට තීරණය කර තිබේ.
මධ්යම පළාත් ආණ්ඩුකාර ලලිත් යූ ගමගේ මහතා පැවසුවේ මහනුවර ඇසළ පෙරහැර මංගල්යයත් සමඟ නගරය තුළ පවතින දැඩි රථවාහන තදබදය සැලකිල්ලට ගනිමින් එම තීරණය ගෙන ඇති බවය.
ඒ අනුව 28, 29 සහ 31 යන දින තුන තුළ මහනුවර නගර සීමාවේ පාසල් වසා තැබෙන අතර සැප්තැම්බර් මස පළමුවනදා එම පාසල් විවෘත කෙරෙන බව ආණ්ඩුකාරවරයා සඳහන් කළේය.
පාසල් නිවාඩු ලබාදෙන දින වෙනුවට ඉදිරි සෙනසුරාදා දින තුනක් හිලව් සැසි පැවැත්වීමට පාසල් බලධාරීන් වෙත උපදෙස් ලබාදී ඇති බව ද මධ්යම පළාත් ආණ්ඩුකාර ලලිත් යූ ගමගේ මහතා පැවසීය.
ලබන සතියේ නිවාඩු ලබාදෙන පාසල්,
*මහනුවර නගරයේ සිට කටුගස්තොට පාලම දක්වා ඇති පාසල්
*මහනුවර නගරයේ සිට පේරාදෙණිය පාලම හා ගන්නෝරුව හන්දිය දක්වා
*මහනුවර නගරයේ සිට වැවරවුම හරහා අම්පිටිය දක්වා
*මහනුවර නගරයේ සිට තැන්නෙකුඹුර පාලම දක්වා
*දොඩම්වල රාජකීය ප්රාථමික පාසල/බෝවල වත්ත/හන්තාන
