(UTV | කොළඹ) – හෙට (13) සිට ක්රියාත්මක වන පරිදි ත්රිරෝද රථ ගාස්තු ඉහළ දැමීමට ත්රිරෝද රථ හිමියන් තීරණය කර තිබේ.
ඒ අනුව පළමු කිලෝමීටරය සඳහා ගාස්තු රුපියල් 70 දක්වා වැඩි කෙරෙන අතර නගර සීමාව තුළ අමතර එක් කිලෝමීටරයක් සඳහා රුපියල් 55ක් අය කෙරේ.
සමස්ත ලංකා ත්රිරෝද රථ හිමියන්ගේ සංගමයේ සභාපති සුදිල් ජයරුක් කියා සිටියේ භාණ්ඩ හා සේවාවල මිල හදිසියේ ඉහළ යාමත් සමඟ ත්රිරෝද රථ රියදුරන් ගාස්තු ඉහළ දැමීමට තීරණය කළ බවයි.
ග්රාමීය ප්රදේශවල ගාස්තු පළමු කිලෝමීටරය සඳහා රුපියල් 80 දක්වා වැඩි කරන බවත් අමතර එක් කිලෝමීටරයකට රුපියල් 60ක් වැය වන බවත් ඔහු පැවසීය.
