(UTV | කොළඹ) – සහල් කිලෝ 03 ක් ඇතුලත්ව සතොස ආයතනය විසින් ලබාදෙන සහන මල්ල සතියකට හෝ දෙකකට ප්රමාණවත් යැයි තමන් අදහස් කළේ එක් පුද්ගලයෙකුට මිස පවුලකට නොවන බව වෙළෙඳ අමාත්ය බන්දුල ගුණවර්ධන මහතා සඳහන් කරයි.
වෙළඳපොල තුළ රුපියල් 1300 ක් පමණ ද්රව්ය රුපියල් දහසක මිලකට එම සහන මල්ලෙන් ලබා දෙන බවද අමාත්යවරයා පැවසීය.
මෙම ජනතාවාදී කටයුත්ත සිදු කිරීමේදී එක වචනක වරදක් අල්ලාගෙන ඉතා නරක ලෙස සංවිධානාත්මක පහරදෙමින් ඇතැයිද අමාත්යවරයා කීය.
සතොස සමාගමෙන් ජනතාවට ලබාදෙන සහන මල්ල සම්බන්ධයෙන් වැරදි අර්ථ කථන ඉදිරිපත් කරනු ලබන පාරිභෝගික සුරැකීමේ සංගමය වැනි සංගම් සහ පුද්ගලයින්ට එරෙහිව නිතිය ක්රියාත්මක කරන ලෙස තමන් පොලිසියෙන් සහ අපරාධ පරීක්ෂණ දෙපාර්තමේන්තුවෙන් ඉල්ලා සිටින බව වෙළෙඳ අමාත්ය බන්දුල ගුණවර්ධන මහතා ප්රකාශ කරයි.
පාර්ලිමේන්තුවේදී විශේෂ ප්රකාශයක් කරමින් ඔහු මේ බව සඳහන් කළේය.
