(UTV | කොළඹ) – සිල් රෙදි නඩුවෙන් ලලිත් වීරතුංග සහ අනූෂ පැල්පිට නිදොස් කොට නිදහස් කිරීමට අභියාචනාධිකරණය අද (19) නියෝග කළේය.
ඒ අනුව ඔවුන් දෙදෙනාට සිර දඩුවම් සහ දඩ නියම කරමින් මහාධිකරණය මීට පෙර ලබාදුන් නියෝගය අහෝසි වනු ඇති.
2015 වසරේ ජනාධිපතිවරණය සමයේ විදුලි සන්දේශ නියාමන කොමිසමට අයත් රුපියල් මිලියන 600 කට ආසන්න මුදලක් වැය කර දිවයින පුරා පිහිටි විහාරස්ථානවලට සිල් රෙදි බෙදා හැරීම තුළින් රජයේ මුදල් සාවද්ය ලෙස පරිහරණය කළේ යැයි චෝදනා කරමින් ලලිත් වීරතුංග සහ අනූෂ පැල්පිට යන මහත්වරුන්ට එරෙහිව නීතිපතිවරයා විසින් නඩුවක් පවරනු ලැබීය.
