(UTV |ගම්පහ) – දිවුලපිටියේ කාන්තාව සේවය කළ ඇඟලුම් ආයතනයේ සේවිකාවන් අතරින් කොරෝනා ආසාධිතයින් 05 දෙනෙක් හඳුනා ගෙන තිබේ.
දිවුලපිටිය කොවිඩ් ආසාදිත කාන්තාවගේ තවත් ආශ්රිතයින් 02 දෙනෙකුට කොවිඩ් ආසාදනය වී ඇතැයි තහවුරු වු බව කොවිඩ් 19 පැතිරීම වැළැක්වීමේ ජාතික ක්රියාන්විත මධ්යස්ථානයේ ප්රධානී යුද හමුදාපති ලුතිනන් ජෙනරාල් ශවේන්ද්ර සිල්වා මහතා පවසයි.
ඔවුන් දිවුලපිටියේ කාන්තාව සේවය කළ ඇඟලුම් ආයතනයේ සේවිකාවන් දෙදෙනෙකි.
ඔවුන් දෙදෙනා කුරුණෑගල රෝහලේ සිට කොළඹ IDH රෝහල වෙත මාරු කර යැවූ බවද යුද හමුදාපති ලුතිනන් ජෙනරාල් ශවේන්ද්ර සිල්වා මහතා සඳහන් කළේය.
මේ අතර මොනරාගල මහ රෝහලේ ප්රතිකාර ලබමින් සිටි කාන්තාවක්ද ,යාපනය මහ රෝහලේ ප්රතිකාර ලබමින් සිටි අයෙකු ද කොවිඩ් ආසාදිත බවට තහවුරු වූ බව යුද හමුදාපති ලුතිනන් ජෙනරාල් ශවේන්ද්ර සිල්වා මහතා කියා සිටියේය.
ඔවුන් දෙදෙනාද මේ වන විට කොළඹ IDH රෝහල වෙත යොමු කර ඇත.
මේ අනුව මිනුවන්ගොඩ ඇඟලුම් කර්මාන්ත ශාලාවෙන් සොයා ගැනුණු මුළු රෝගීන් ගණන 80 බවට පත්ව තිබේ.
