(UTV | කොළඹ) – 20 වැනි ආණ්ඩුක්රම ව්යවස්ථා සංශෝධනය පනත් කෙටුම්පතට එරෙහි පෙත්සම් සලකා බැලීම අගවිනිසුරු ප්රමුඛ පංචපුද්ගල විනිසුරු මඬුල්ල හමුවේ ආරම්භ කර ඇත.
සමගි ජන බලවේගය , ද්රවිඩ ජාතික සන්ධානය ,එක්සත් ජාතික පක්ෂය , මැතිවරණ කොමිසමේ සාමාජික රත්නජීවන් හූල් , විකල්ප ප්රතිපත්ති කේන්ද්රය , ට්රාන්ස්පේරන්සි ඉන්ටර්නැෂනල් ශ්රී ලංකා ආයතනය , ලංකා ගුරු සංගමය ඇතුලු පාර්ශව මෙලෙස පෙත්සම් ගොණු කල පාර්ශව අතර වෙයි.
නීතිපතිවරයා වගඋත්තරකරුලෙස නම් කර ඇති මෙම සියලු පෙත්සම්වලින් ඉල්ලා ඇත්තේ යෝජිත 20 වන සංශෝධනය පාර්ලිමේන්තුවේ 2/3 ක බහුතරයෙන් පමණක් නොව ජනමත විචාරණයකින්ද සම්මත විය යුතු බවට නියෝගයක් නිකුත් කරන ලෙසටයි.
