(UTV | හක්මන) – හක්මන – කෝන්ගල – 13 කණුව මාර්ග බාධකයේදී ටිපර් රථ රියදුරෙකු විසින් යටකර බරපතල තුවාල ලබා ප්රතිකාර ලබමින් සිටි අනෙක් පොලිස් නිලධාරියා ද අද අලුයම ජීවිතක්ෂයට පත්විය.
දින 38 ක් මාතර රෝහලේ ප්රතිකාර ලබමින් සිටියදී ජීවිතක්ෂයට පත්වූ මෙම පොලිස් නිලධාරියා 47 හැවිරිදි වියේ පසුවන මාතර – කිරින්ද ප්රදේශයේ පදිංචිකරුවෙක්.
ජුලි 13 වනදා රාත්රී 11 ට පමණ සිදුකල මෙම අනතුරින් පොලිස් කොස්තාපල්වරයෙකු ජීවිතක්ෂයට පත්ව තවත් සැරයන්වරුන් දෙදෙනෙකු බරපතල තුවාල ලැබුවා.
අද අලුයම මියගොස් ඇත්තේ ඉන් එක් සැරයන්වරයෙකුයි.
මෙම සිද්ධියට අත්අඩංගුවට ගත් සැකකරු රක්ෂිත බන්ධනාගාරගතව සිටින අතර මාතර මහේස්ත්රාත් අධිකරණයේදී මෙම නඩුව අද යළි කැඳවීමට නියමිතයි.
