(UTV | කොළඹ ) – හිටපු පාර්ලිමේන්තු මන්ත්රී රවී කරුණානායක හා පර්පෙචුවල් ටේරෂරීස් සමාගමේ අධ්යක්ෂ අර්ජුන් ඇලෝසියස් ඇතුළු 7 දෙනෙකු අභියාචනාධිකරණය හමුවේ ගොනුකළ රීට් පෙත්සම් පිළිබඳ නීතිපතිවරයාගේ කරුණු දැක්වීම ජුනි මස 19 වනදා සිදුකිරීමට අවසර හිමිවී තිබේ.
ඊයේ (15) ඒ අදාළ පෙත්සම් අභියාචනාධිකරණයේ සභාපති විනිසුරු එච්.එම්.ඩි. නවාස් සහ සෝභිත රාජකරුණා යන විනිසුරු මඩුල්ල හමුවේ සලකා බැලූ අවස්ථාවේදීයි.
මෙම පෙත්සම් පිළිබඳ වැඩිදුර විභාගය ද එදින සිදුකිරීමට නියමිතයි.
පෙත්සම්කරුවන් ඉල්ලා ඇත්තේ 2016 වසරේ සිදුවූ බැඳුම්කර වෙන්දේසි දෙකක් තුලින් රජයට රුපියල් බිලියන 51.98ක පාඩුවක් සිදුකළේ යැයි කියන සිද්ධියක් සම්බන්ධයෙන් අධිකරණය පසුගිය වසරේ මාර්තු 6 වනදා තමන්ට වරෙන්තු නිකුත් කළ බවයි.
එම වරෙන්තුව බල රහිත කිරීමේ රීට් ආඥාවක් නිකුත් කරන ලෙස පෙත්සම්කරුවන් අභියාචනාධිකරණයෙන් ඉල්ලා සිටියි.
