(UTV|කොළඹ) – කොරෝනා වයිරසය හේතුවෙන් නිරෝධානය වන නිවෙස් වලින් සහ කොරෝනා ආසාධිතයින් හමු වු නිවෙස් වලින් ඉවතලන මුඛ ආවරණ, අත් වැසුම් ඇතුලු කසළ පොදු කසළ කඳු වලට මුදා නොහරින ලෙස දැනුම් දෙයි.
එම කසල ගෙවත්තේම පුලුස්සන ලෙස බස්නාහිර පළාත් ඝණ අපද්රව්ය කළමණාකරන අධිකාරියේ අධ්යක්ෂක නලීන් මාන්නප්පෙරුම මහතා සදහන් කරයි.
කොරෝනා ආසාධිතයන් හමු වුන නිවෙස් වලින් ඉවතලන මුඛ ආවරණ, අත් වැසුම් ඔස්සේ වයිරසය ව්යාප්ත විය හැක.
මේ නිසා කසළ කළමණාකරණ සේවකයින් යම් අවදානමකට ලක්වනු ඇත.
නිරෝධාන නිවෙස් වලින් ඉවතලන කසළ බැහැරලීමට විධිමත් පියවර ගතයුතුය.
කසළ පිළිස්සීමට හෝ වල දැමීමට ඉඩකඩ නැති නිරෝධානයට යොමු වුන නිවැසියන්ගෙන් බැහැරලන කසල නිරෝධාන දින 14 නිමවී පැය 72 ක් සීල් කළ බෑගයක ආරක්ෂිතව රඳවා තබා බැහරලීමට පියවර ගන්නා ලෙස ඔහු දැනුම් දෙයි.
