(UTV | කොළඹ) – මහ මැතිවරණයට අදාළව පිළිගත් දේශපාලන පක්ෂ ලේකම්වරුන්ගේ සහ මැතිවරණ කොමිසන් සභාව අතර සාකච්ඡාවක් අද (11) පස්වරුවේ පැවැත්වීමට නියමිතව ඇත.
මෙහිදී නාමයෝජනා භාරගැනීම, මැතිවරණයේ ආරක්ෂක කටයුතු සහ පක්ෂ කාර්යාල පිහිටුවීම සම්බන්ධයෙන් අවධානය යොමු කිරීමට නියමිතය.
මීට අමතරව, මැතිවරණ කොමිසන් සභාවේ නියෝජිතයින් තැපැල් දෙපාර්තමේන්තුව සමඟ ද අද දිනයේ සාකච්ඡා කිරීමට නියමිතව තිබේ.
තැපැල් ඡන්දය සඳහා ඉල්ලුම් පත් භාර ගැනීම මේ මස 16 වැනිදායින් අවසන් වන අතර කිසිදු හේතුවක් මත එම දිනය දීර්ඝ නොකරන බව ද එම කොමිසම කියා සිටියි.
