(UTV | ස්විට්සර්ලන්තය) – නව කොරෝනා වෛරසය හෙවත් කොවිඩ් 19 ආසාදිතයෙකු ප්රථම වරට ස්විට්සර්ලන්තයෙන් වාර්තා වී තිබේ.
ස්විට්සර්ලන්ත ඉතාලි දේශසීමාව ආසන්නයේදී මෙම ආසාදිත පුද්ගලයා හදුනාගෙන ඇති අතර , මෙලෙස කොරෝනා වෛරසය ආසාදනය වී ඇත්තේ 70 හැවිරිදි පුද්ගලයෙකුටයි.
අදාළ පුද්ගලයාට වෛරසය ආසාදනය වී ඇති ආකාරය පිළිබඳව මෙතෙක් නිශ්චිතව හදුනාගෙන නොමැති අතර මෙම පුද්ගලයා සමඟ සබඳතා පැවැත්වූ පුද්ගලයින් හදුනාගෙන ඔවුන් දින 14 ක නිරෝධායන කාලයකට යටත්කර ඇති බව විදෙස් වාර්තා සදහන් කළේය.
මොහු ඉතාලියේ මිලානෝවල සිට ස්විට්සර්ලන්තයට පැමිණ ඇති බව වාර්තා වෙයි.
නව කොරෝනා ආසාදිතයින් සංඛ්යාව මේ වන විට 80,427 දෙනෙකු දක්වා ඉහළ ගොස් ඇති අතර පුද්ගල මරණ 2712ක් වාර්තා වෙයි.
