(UDHAYAM, COLOMBO) – இங்கிலாந்தில் எதிர்வரும் ஜூன் மாதம் நடைபெறவுள்ள சம்பியன்ஸ் கிண்ணக் கிரிக்கெட் தொடருக்கான தென்னாபிரிக்க மற்றும் அவுஸ்திரேலிய அணிகள் அறிவிக்கப்பட்டுள்ளன.
அதன்படி தென்னாபிரிக்க அணியில் வேகப்பந்து வீச்சாளர் டேல் ஸ்டெய்ன் இடம்பெறவில்லை. அதே போல் காயமடைந்த வெர்னன் பிலாண்டருக்கும் அணியில் இடமில்லை.
ஆனால் வேகப்பந்து வீச்சாளர் மோர்னி மோர்கெல், சுழற்பந்து வீச்சாளர் கேஷவ் மஹராஜ் ஆகியோர் அணியில் இடம்பெற்றுள்ளனர். ஏ.பி.டிவில்லியர்ஸ் தலை வராக நீடிக்கிறார்.
சகலதுறை ஆட்டக்காரர்களான கிறிஸ் மோரிஸ், வெய்ன் பார்னெல் அண்டைல் பெலுக்வயோ, பிரிடோரியஸ் ஆகியோர் அணியில் உள்ளனர். ரபடாவும் அணியில் இடம்பெற்றுள்ளார்.
[accordion][acc title=”தென்னாபிரிக்க அணி”][/acc][/accordion]
ஏ.பி.டிவில்லியர்ஸ் (தலைவர்), அம்லா, டி கொக், டுபிளெசிஸ், டுமினி, மில்லர், பிஹார்டீன், கிறிஸ் மோரிஸ், வெய்ன் பார்னெல், அண்டைல் பெலுக்வயோ, ரபாடா, தாஹிர், பிரிடோரியஸ், மஹராஜ், மோர்னி மோர் கெல்.
இந்நிலை யில் சம்பியன்ஸ் கிண்ணத் திற்கான அவுஸ்திரேலிய அணியில் முன்னணி சகலதுறை ஆட் டக் கா ரரான பௌக்னெருக்கு இடம் கிடைக்கவில்லை. ஸ்டார்க், லின் ஆகியோர் இடம்பிடித்துள்ளனர்.
15 பேர் கொண்ட அவுஸ்திரேலிய அணி அறிவிக்கப்பட்டுள்ளது. இந்திய டெஸ்ட் தொடரின்போது காயத்தால் விலகிய மிட்செல் ஸ்டார்க், ஐ.பி.எல். தொடரில் இருந்து விலகிய கிறிஸ் லின் ஆகியோர் அணியில் சேர்க்கப்பட்டுள்ளனர்.
அதேபோல் ஷோன் மார்ஷ், கவாஜா, பீட்டர் ஹேண்ட்ஸகொம்ப், ஜோர்ஜ் பெய்லி போன்றோருக்கும் இடம் கிடைக்கவில்லை.
[accordion][acc title=”ஆஸி. அணி”][/acc][/accordion]
ஸ்டீவன் ஸ்மித் (தலைவர்), வோர்னர், ஆரோன் பிஞ்ச், மேக்ஸ்வெல், மேத்யூ வடே, கிறிஸ் லின், ஹென்றிக்ஸ், கம்மின்ஸ், ஹாஸ்டிங்ஸ், ஹசில்வுட், டிராவிஸ் ஹெட், பேட்டின்சன், மிட்செல் ஸ்டார்க், ஸ்டோய்னிஸ், ஆடம் ஜம்பா.
