(UTV| කොළඹ) – මෝටර් රථ ප්රවාහන දෙපාර්තමේන්තුව සහ ජාතික ප්රවාහන වෛද්ය ආයතනය සෙනසුරාදා දිනයේද විවෘතව තැබීමට ප්රවාහන සහ සිවිල්ගුවන්සේවා අමාත්ය අර්ජුන රණතුංග මහතා උපදෙස් ලබා දෙයි.
ඒ ප්රවාහන ක්ෂේත්රයේදී මහජනතාවට වඩාත් කාර්යක්ෂම සේවාවක් සැපයීම සඳහා ප්රවාහන අමාත්යාංශය දියත් කරන නව වැඩසටහන් යටතේ මෙම වැඩසටහන ක්රියාත්මක කරයි.
එහි පළමු අදියර ක්රියාත්මක වන්නේ මෝටර් රථ ප්රවාහන දෙපාර්තමේන්තුවේ වේරහැර කාර්යාලයෙනි.
ඒ අනුව සතියේ දිනවලදී මෙන්ම, මින් ඉදිරියට සෙනසුරාදා දිනයන්හිදීද රියදුරු බලපත්ර සේවා එම කාර්යාලයෙන් ලබා ගැනීමේ අවස්ථාව මහජනතාවට උදා වේ.
රියදුරු බලපත්ර අලුත්කර ගැනීම, රියදුරු බලපත්ර නිකුත් කිරීම, රියදුරු බලපත්ර ඉල්ලුම් පත්ර භාර ගැනීම සහ රියදුරු බලපත්ර පරීක්ෂණ වැනි සේවාවන් ඊට අයත් වේ.
මීට සමගාමීව ජාතික ප්රවාහන වෛද්ය ආයතනයේ නුගේගොඩ ප්රධාන කාර්යාලය සහ වේරහැර කාර්යාලයද ලබන 16 වන සෙනසුරාදා සිට සෑම සෙනසුරාදිනකම විවෘතව තැබෙනු ඇත.
එම කාර්යාවලින් සතියේ දිනවලදී මෙන් රියදුරු බලපත්ර ලබා ගැනීම සඳහා අවශ්ය වෛද්ය සහතික නිකුත් කිරීම සිදු කෙරේ.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්රීය කරගන්න.[textmarker color=”8a6d3b”] UTV alerts සක්රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
