පොහොර සංස්ථාවේ සේවය කරමින් සිටියදී අරමුදල් අවභාවිත කිරීම සම්බන්ධයෙන් දූෂණ පැමිණිලි ලැබීමෙන් පසු අල්ලස් හෝ දූෂණ චෝදනා විමර්ශන කොමිෂම බලශක්ති අමාත්ය කුමාර ජයකොඩි ට, එරෙහිව නඩු පැවරීමට තීරණය කර ඇති බව සතිඅන්ත ඉංග්රීසි පුවත්පතක් වාර්තා කර තිබේ.
රුපියල් මිලියන 8 ක අයථා පරිහරණය කිරීමේ චෝදනාව මත අමාත්යවරයාට සහ තවත් දෙදෙනෙකුට එරෙහිව මහාධිකරණයේ මේ නඩු පැවරීමට නියමිතව ඇති බව පුවත්පත වාර්තා කොට ඇත.
එහිදී පරීක්ෂාවට ලක් වූ විශේෂිත ටෙන්ඩරයක් ප්රදානය කළ ටෙන්ඩර් මණ්ඩලයේ ප්රධානියා ලෙස ජයකොඩි නැමත්තා සේවය කර ඇත.
ගෙවීම් ක්රියා පටිපාටි සහ බැඳුම්කර ස්ථානගත කිරීම පිළිබඳ ගැටළු මතුවීමෙන් පසුව ටෙන්ඩරය පිළිබඳ පරීක්ෂණ ආරම්භ කෙරුණි.
අයථා පරිහරණය පිළිබඳ පෙර විමර්ශන සලකා බලා අල්ලස් කොමිෂම පරීක්ෂණ නැවත ආරම්භ කර ඇති බවද පැවසේ.
දූෂණ චෝදනාවලට මුහුණ දෙන වත්මන් රජයේ පළමු අමාත්යවරයා අමාත්ය ජයකොඩි මහතා වනු ඇතැයි ද මේ අතර වාර්තා වේ.
මීට පෙර, මඩකලපුව දිස්ත්රික් පාර්ලිමේන්තු මන්ත්රී ශානක්කියන් රාසමානික්කම් මහතා පාර්ලිමේන්තුවේදී මෙම ප්රශ්නය මතු කරමින් කියා සිටියේ පොහොර සංස්ථාවේ මූල්ය වංචාවක් සම්බන්ධයෙන් වැඩ තහනමට ලක් වූ පුද්ගලයෙකු වත්මන් ආණ්ඩුවේ අමාත්යවරයෙක් ලෙස සිටින බවයි.
අල්ලස් හෝ දූෂණ චෝදනා විමර්ශන කොමිසම විසින් මෙම පියවර ගනු ලැබුවේ පසුගිය ආණ්ඩුවේ අමාත්යවරුන්ට එරෙහිව දූෂණ නඩු මාලාවක් ගොනුකර ඇති පසුබිමකය.
