තද සුළං සහ රළු මුහුද පිළිබඳව , හෙට (11) දින ප.ව. 02.30 වන තෙක් වලංගු වන අනතුරු ඇඟවීමේ රතු නිවේදනයක් නිකුත් කර තිබේ. කාලගුණ විද්යා දෙපාර්තමේන්තුවේ, ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය වි මෙම නිවේදනය නිකුත් කර ඇත.
ඒ අනුව , හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශයේ නාවිකයන් හා ධීවරයන්ට සැලකිලිමත් වන ලෙස එම නිවේදනයෙන් දැනුම් දී තිබේ.
සක්රීය නිරිතදිග මෝසම් කාලගුණ තත්ත්වයේ බලපෑම හේතුවෙන්, හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. (60–70) පමණ දක්වා වැඩි වන අතර එම මුහුදු ප්රදේශ විටින් විට ඉතා රළු වේ. මෙම මුහුදු ප්රදේශයට නැවත දැනුම්දෙන තුරු යාත්රා නොකරන ලෙස නාවික සහ ධීවර ප්රජාවන්ට දැනුම් දී ඇත.
