ශ්රී ලංකා පොදුජන පෙරමුණේ ප්රකාශක නීතිඥ මනෝජ් ගමගේ පවසන්නේ, ශ්රී ලංකා පොදුජන පෙරමුණේ අපේක්ෂක සහ ක්රියාකාරිකයකු වන ඩෑන් ප්රියසාද්ට වෙඩිතැබීම දැඩි ලෙස හෙළාදකින අතර එය ‘දේශපාලනික උවමනාවන් මත සිදුකළ ඝාතනයක්’ විය හැකි බවයි.
කොළොන්නාව නගර සභාව සඳහා මීතොටමුල්ල කොට්ඨාශයෙන් තරඟ කළ ප්රියසාද්, වසර ගණනාවක් තිස්සේ ප්රසිද්ධ සිංහල-බෞද්ධ ක්රියාකාරිකයකු සහ කැපීපෙනෙන සමාජ චරිතයක් වූ බව මනෝජ් ගමගේ ප්රකාශ කළේය. මෙම ඝාතනය ඔහුගේ ප්රසිද්ධ දේශපාලන අදහස් සමඟ සම්බන්ධ විය හැකි බවට ඔහු චෝදනා කළේය.
“විරුද්ධ අදහස් ඇති අය වැඩි වැඩියෙන් ඉළක්ක කර ගන්නා බව දැන් පැහැදිලි වෙමින් පවතිනවා” ප්රියසාද්ගේ දේශපාලන ස්ථාවරය ඔහුගේ මරණයට හේතු වූවාද යන්න ප්රශ්න කරමින් මනෝජ් ගමගේ පැවැසීය. නීතියේ ආධිපත්යයේ බිඳවැටෙමින් රට තුළ දිනපතා ඝාතන ඉහළ යන බවට ඔහු අනතුරු ඇඟවීය.
නීතීඥ මනෝජ් ගමගේ මහතා මෙසේ ද කීවේය. ඩෑන් ප්රියසාද් මහතාගේ ජීවිතය අහිමිවීමට ඔහු දැරූ දැඩි දේශපාලන මතය, දේශපාලන ප්රතිවිරුද්ධභාවය හේතුවක් වුණාද කියන සැකය දැන් අපිට තියෙනවා. නීතිය ආධිපත්යය බිඳවැටිලා, මිනිස්සු තැන් තැන් වල ඉවක් බවක් නැතුව ඝාතනය වෙනකොට ආණ්ඩුවට හරිම ලේසියි පාතාලේ පිටින් දාලා තමන්ගේ විරුද්ධවාදීන්ගේ කටවල් නිහඬ කරවන්න මොකද සිද්ධ වෙන හැම දෙයක්ම පාතාලෙ පිටින් යවපු යුගයක් තිබුණා 88, 89 කාලයේ.
