(UTV | කොළඹ) – පෞද්ගලික ගුවන් සමාගමකට අයත් සැහැල්ලු ගුවන් යානයක් පයාගල මුහුදු වෙරළ තීරයට හදිසි ගොඩ බැස්වීමක් සිදු කර ඇතැයි ගුවන් හමුදා ජනමාධ්ය අධ්යක්ෂ ගෲප් කපිතාන් දුෂාන් විජේසිංහ මහතා පවසයි.
ඔහු සඳහන් කළේ, මීට පැය එකහාමාරකට පමණ පෙර මෙම හදිසි ගොඩබැස්වීම සිදු කර ඇති බව ය.
එම අවස්ථාවේදී යානයේ උපදේශක ගුවන් නියමුවෙකු සහ පුහුණු නියමුවෙකු සිට ඇති අතර සිද්ධියෙන් ඔවුන්ට කිසිදු අනතුරක් සිදු වී නොමැති බව විජේසිංහ මහතා පැවසීය.
ඔහු වැඩිදුරටත් සඳහන් කළේ, මේ වන විට එම ස්ථානයට ගුවන් හමුදාවේ කණ්ඩායමක් යවා ඇති බව ය.
