කුරුණෑගල දිස්ත්රික්කයේ ස්ථාන තුනක සිදු වූ දරුණු නායයෑම් හේතුවෙන් පුද්ගලයින් නව දෙනෙකු (09) මියගොස් ඇති අතර, තවත් 24 දෙනෙකු අතුරුදන්ව ඇති බව කුරුණෑගල දිස්ත්රික් ලේකම් චන්දන දිසානායක පවසයි.
දිස්ත්රික් ලේකම්වරයා සඳහන් කළේ, කුරුණෑගල ඉදුල්ගොඩ කන්දේ කොටසක් නායයෑමෙන් පුද්ගලයින් 12 දෙනෙකු අතුරුදන්ව සිටි අතර, ඉන් 05 දෙනෙකුගේ සිරුරු සොයා ගත් බවය.
එමෙන්ම ඉබ්බාගමුව, අරගමන්කන්ද නායයෑමෙන් නිවාස කිහිපයක් යටවී ඇති අතර, ඉන් පුද්ගලයින් 08 දෙනෙකු අතුරුදන්ව ඇති බව සඳහන් වේ.
ඕමාරගොල්ල ප්රදේශයේ සිදු වූ නායයෑමකින් පුද්ගලයින් 13 දෙනෙකු අතුරුදන්ව ඇති අතර, ඔවුන්ගෙන් සිව් දෙනෙකුගේ සිරුරු මේ වන විට සොයා ගෙන ඇති බව දිස්ත්රික් ලේකම් චන්දන දිසානායක වැඩිදුරටත් පැවසීය.
ඒ අනුව මෙම නායයෑම් 3කින් පුද්ගලයින් 09 දෙනෙකුගේ මරණ දැනට වාර්තා වී ඇති අතර, දැනට අතුරුදන් වූ සංඛ්යාව 24ක් ලෙස සටහන් වේ. මුදවා ගැනීමේ කටයුතු ආරක්ෂක අංශවල සහාය ඇතිව අඛණ්ඩව ක්රියාත්මක වේ.
