අනුරාධපුර එප්පාවල ප්රදේශයේ ප්රාථමික පාසලක විදුහල්පතිවරයෙකු හෙරොයින් කිලෝ එකකට අධික ප්රමාණයක් සමග අත්අඩංගුවට ගෙන ඇතැයි පොලීසිය කියයි. .
මීට සතියකට පමණ පෙර එප්පාවල නල්ලමුදාව පාර ප්රදේශයේ දී අත්අඩංගුවට ගත් 30 හැවිරිදි පුද්ගලයෙකුගෙන් ලද තොරතුරක් මත අනුරාධපුර කොට්ඨාස අපරාධ විමර්ශන අංශය විසින් මෙම වැටලීම සිදුකර තිබුණි.
එහිදී අදාළ විදුහල්පතිවරයාට අයත් බව පැවසෙන එප්පාවල, ඇදගල ප්රදේශයේ පිහිටි හෝටලයක පිටුපස වළ දමා තිබූ මෙම හෙරොයින් කිලෝ 1යි ග්රෑම් 185ක තොගය සොයාගෙන ඇත.
මීට අමතරව අදාළ විදුහල්පතිවරයා විසින් ඒ අසළ පිහිටි වැවකට දමා තිබූ මත්ද්රව්ය මැනීමට භාවිතා කරන විද්යුත් තරාදියක් සහ පොලිතීන් සීලර් යන්ත්රයක් ද සොයාගෙන ඇති බව පොලීසිය පැවසීය.
අදාළ විදුහල්පතිවරයාගේ බිරිඳ ජාතික ජනබලවේගය පක්ෂයේ පෑලියගොඩ නගර සභාවේ මන්ත්රීවරියක් වන බව ද පොලිස් ආරංචි මාර්ග සඳහන් කළේය.
මීට අමතරව එම විදුහල්පතිවරයාගේ පුත්රයා ද මීට මාසයකට ඉහත දී හෙරොයින් ග්රෑම් 25ක් සමග අත්අඩංගුවට ගෙන ඇති බව සඳහන් වේ.
සිද්ධිය සම්බන්ධයෙන් අනුරාධපුර කොට්ඨාස අපරාධ විමර්ශන අංශය විසින් වැඩිදුර විමර්ශන සිදුකරයි.
