(උදයම්,ජර්මනිය) – තවදුරටත් ඇමරිකාව සහ බ්රිතාන්ය මත සම්පූර්ණයෙන් විශ්වාසය තබා යුරෝපයට කටයුතු කළ නොහැකි බව ජර්මන් චාන්සලර් ඇන්ජලා මර්කල් පවසනවා.
ඇය මේ බව කියා සිටියේ ඉතාලියේ පැවති ජී.7 සමුළුවට එක්වෙමින්.
ඇමරිකානු ජනාධිපතිවරණය සහ යුරෝපා සංගමයෙන් ඉවත් වීම සඳහා බ්රිතාන්යයයේ පැවති ජනමත විචාරණයෙන් පසු මෙම තත්ත්වය උදාවී ඇති බව ඇය පෙන්වා දෙයි.
ඒ අනුව, තමන්ට ඇමරිකාව සහ බ්රිතාන්ය යන දෙරටවල් සමග මෙන්ම රුසියාව සමගත් මිත්රශීලී ලෙස කටයුතු කිරීමට අවශ්ය නමුත් ”යුරෝපයට තම ඉරණම වෙනුවෙන් සටන් කිරීමට කාලය එළඹ ඇති බව” ඇය සඳහන් කර තිබේ.
එම සමුළුවේ දී කාලගුණික විපර්යාස පිළිබඳව ඇති කර ගත් සම්මුතිය පිළිගැනීම ඇමරිකානු ජනාධිපති ඩොනල්ඞ් ට්රම්ප් ප්රතික්ෂේප කිරීමෙන් අනතුරුව ඇන්ජලා මර්කල් මෙම ප්රකාශය සිදු කිරීම විශේෂත්වයක් ලෙස විදෙස් මාධ්ය වාර්තා කරයි.
