අග්රාමාත්ය හරිනි අමරසූරිය එළැඹෙන ඔක්තෝබර් 13 වැනිදා චීනයේ නිල සංචාරයක් සඳහා පිටත්ව යාමට සූදානමින් සිටින බව විදේශ අමාත්ය විජිත හේරත් පාර්ලිමේන්තුවේ දී ප්රකාශ කළේය.
අග්රාමාත්යවරිය මෙම සංචාරයේදී චීන ජනාධිපතිවරයා හමුවීමට නියමිත අතර, චීනයේ ප්රධාන දේශපාලනඥයින් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමට අපේක්ෂා කරන බවද හේරත් ඇමතිවරයා කීවේය.
චීන සංචාරයෙන් පසුව, අග්රාමාත්ය හරිනි අමරසූරිය ඉන්දියාවේ ද නිල සංචාරයක නිරත වීමට සූදානමින් සිටින බව අමාත්යවරයා වැඩිදුරටත් පැවසීය. එම ඉන්දීය සංචාරයේදී ද ඉන්දීය අග්රාමාත්යවරයා ඇතුළු රාජ්ය තාන්ත්රිකයින් මුණගැසීමට නියමිත බවත්, එමගින් රටට ප්රතිලාභ ගෙන ඒමට අපේක්ෂා කරන බවත් ඔහු සඳහන් කළේය.
