ආණ්ඩුව විසින් නුදුරේදීම විදුලි බිල සියයට විස්සකින් වැඩි කිරීමේ යෝජනාවලියක් සකසමින් සිටින බව විදුලිය පාවිච්චි කරන්නන්ගේ සංගමය පවසයි.
තම සංගමය ඊට තම විරෝධය ප්රකාශ කරන බව සංගමයේ ලේකම් සංජීව ධම්මික මහතා මාධ්ය හමුවකදී ප්රකාශ කළේය. එහිදී ඔහු මෙසේ ද සඳහන් කළේය.
විදුලිබල මණ්ඩලය ප්රතිව්යුහගතකරණය මුලින්ම ගෙනාවේ 2023 කාංචන විජේසේකර අමාත්යවරයා. ඉන් පස්සේ 2024 පාර්ලිමේන්තුවේ කතාබහට ලක්වුණා. ඒ ප්රතිපත්ති දිහා බලලා එදා අනුර කුමාර දැන් ජනාධිපතිතුමා කිව්වේ මේක ප්රතිගාමී ජන විරෝධී පනතක් කියලා. අපි ආවම අලුත් පනතක් හදනවා කියලත් එතුමා කිව්වා. නමුත් මේ අය දැන් ඒ පනතම කර ගහගෙන යනවා.
විදුලිබල මණ්ඩලය ප්රතිව්යුහගතකරණයට එරෙහිව විදුලි සේවකයන්ගේ අකුරට වැඩ කිරීමේ වෘත්තීය ක්රියාමාර්ගයට විදුලි පාරිභෝගික අපි සහයෝගය දෙනවා. මොකද මේ පනත ක්රියාත්මක වෙච්ච ගමන් කොටස් හතරකට කැඩුණු සමාගම්වලට ලාභය එන විදිහට තමයි කටයුතු කරන්නේ. එහෙම නැතුව දැන් තියෙන පිරිවැය ක්රමයට නෙමෙයි. ඒ වගේම මේ පනතට අනුව මහජන උපයෝගිතා කොමිසමට එදා තිබුණු බලය නැතුව යනවා. එවිට විදුලි
පාරිභෝගිකයන්ට පැමිණිල්ලක් කරන්නවත් තැනක් නැතුව යනවා. ඇමැතිවරයාට ඕන විදිහට මුදල් අමාත්යාංශයේ උපදෙස් මත තමයි විදුලි බිල සකස් වෙන්නේ. ඒක පාරිභෝගිකයට හිතකර ක්රමයක් නෙවෙයි. අපි ඒ නිසා විරුද්ධයි.
නැවතත් සියයට විස්සක විදුලි බිල වැඩි කරන්න යෝජනා ඇවිල්ලා. අපි කියනවා මේ ආණ්ඩුවට වැඩි කරන විදුලි බිල් අපි ගෙවන්නේ නෑ කියලා. එනිසා මේක වහාම අකුල ගන්න. මේ සඳහා අපි විරෝධතා දියත් කරනවා. පළමු විරෝධතාවය දහවෙනිදා මරඳගහමුලින් ආරම්භ කරනවා”
