ඉන්දීය අගමැති නරේන්ද්ර මෝදි මහතාගේ ශ්රී ලංකා සංචාරය හේතුවෙන් කොළඹ සහ ප්රදේශ කිහිපයක විශේෂ රථවාහන සැලැස්මක් සහ විශේෂ ආරක්ෂක සැලැස්මක් ක්රියාත්මක බව පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී බුද්ධික මනතුංග මහතා පවසයි. ඉන්දීය අගමැති නරේන්ද්ර මෝදි මහතාගේ ශ්රී ලංකා සංචාරය අප්රේල් 4 වනදා ආරම්භ වීමට නියමිතයි.
මෙම සංචාරය නිමිත්තෙන් ශ්රී ලංකා පොලීසිය විශේෂ රථවාහන සැලැස්මක් සහ විශේෂ ආරක්ෂක සැලැස්මක් ක්රියාත්මක කරයි. ඒ අනුව අප්රේල් 4 වනදා සවස 6ත් රාත්රී 10ත් කාලය අතරතුර කොළඹ – කටුනායක අධිවේගී මාර්ගය මෙන්ම බේස්ලයින් මාර්ගය ද වරින්වර වසා දැමෙනු ඇත.
“මෙම කාලසීමාව තුළ කටුනායක ජාත්යන්තර ගුවන්තොටුපොළ වෙත පැමිණෙන පුද්ගලයන්ට මෙම මාර්ග වසාතැබීම ගැන අවධානය යොමු කරමින් තමන්ගේ ගමනාගමන කටයුතු සැලසුම් කරගන්නා ලෙසටත් දැනුම්දෙයි.
“අප්රේල් 5 වනදා කොළඹ ගාලුමුවදොර ප්රදේශය, නිදහස් චතුරශ්රය ආශ්රිත ප්රදේශය, බත්තරමුල්ල අපේ ගම පරිශ්රයේ මාර්ග වරින්වර වසා දැමෙනු ඇත. මෙම විශේෂ රථවාහන සැලැස්ම සඳහා සහාය දක්වන ලෙස ශ්රී ලංකා පොලීසිය සියලුම රියදුරන්ගෙන් මෙන්ම මහජනතාවගෙන් ඉල්ලා සිටී
