ශ්රී ලංකා ක්රිකට් ක්රීඩක ධනංජය ද සිල්වාගේ සහෝදරයා වන, සාවිත්ර සිල්වා හට මැර ප්රහාරයක් එල්ලවී ඇතැයි පොලීසිය කියයි. තියුණු ආයුධයකින් කළ මෙම ප්රහාරය එල්ලව ඇත්තේ ඊයේ (10) රාත්රී 7.30 ට පමණ බවයි පොලීසිය සඳහන් කළේ.
ප්රහාරයෙන් තුවලා ලද සාවිත්ර සිල්වා, මොරටුව ලුනාව රෝහල වෙත ඇතුළත් කර තිබේ. ඔහුගේ තත්ත්වය බරපතල නැතැයි සඳහන්. ප්රහාරය එල්ල කළ පුද්ගලයන් හඳුනාගෙන ඇතැයි ද පොලීසිය කියයි. සිද්ධිය සම්බන්ධයෙන් ගල්කිස්ස පොලීසිය වැඩිදුර විමර්ශන පවත්වයි.
ධනංජය ද සිල්වාගේ පියා වන රංජන් ද සිල්වා 2018 වසරේ දී ඝාතනයට ලක්වූයේ පාතාලයේ වෙඩි තැබීමකිනි. ඔහු දෙහිවල ගල්කිස්ස නගර සභාවේ හිටපු නගරසභා මන්ත්රීවරයෙකි.
