(UTV | කොළඹ) – කැබිනට් අමාත්යවරුන් විසින් ඉල්ලා අස්වීම් භාරදී ඇත්තේ අග්රාමාත්යවරයාට බැවින් ඔවුන් සැබෑ ලෙසම ඉල්ලා අස්වි ඇතිදැයි සැකයක් මතුවන බව පාර්ලිමේන්තු මන්ත්රී උදය ගම්මන්පිළ මහතා පවසනවා.
ආණ්ඩුව නියෝජනය කරන පක්ෂ 11 නායකයන් සහභාගී වූ මාධ්ය හමුවේදීයි ඔහු මේ බව සඳහන් කලේ. විමල් වීරවංශ සහ වාසුදේව නානායක්කතාර මහත්වරුන්ද මෙහිදී අදහස් පළකළා.
අග්රාමාත්යවරයාට භාරදුන් ඉල්ලා අස්වීම් වලංගු නොවන බව මන්ත්රීවරයා පැවසීය.
කෙසේ වෙතත් අමාත්යවරුන් ඉල්ලා අස්වීමට තීරණයකට පැමිණීම මහජන අරගලයේ දැවැන්ත ජයග්රහණයක් බවද ඔහු පැවසීය.
පාර්ලිමේන්තු මන්ත්රී ගම්මන්පිල ප්රකාශ කළේ මහජන වරම අහිමිවීමෙන් පසු ආණ්ඩුවට පාර්ලිමේන්තුවේ බහුතරය මත විශ්වාසය තැබිය නොහැකි බවත්, පාර්ලිමේන්තු බහුතරය ද එක්වීමේ අවදානමක පවතින බවයි.
මන්ත්රීවරයා කියා සිටියේ අන්තර්කාලීන සර්ව පාක්ෂික ආණ්ඩුවක් යුගයේ අවශ්යතාවය බවයි. අන්තර්කාලීන සර්ව පාක්ෂික ආණ්ඩුවක් පිහිටුවීමට එක්වන ලෙස මහජනතාව ගැන හිතන සියලුම මන්ත්රීවරුන්ගෙන් ඔහු ඉල්ලා සිටියේය.
මාධ්ය හමුවට එක්වෙමින් පාර්ලිමේන්තු මන්ත්රී විමල් වීරවංශ මහතා කියා සිටියේ මහජනතාව පාරට බැස්ස විට ඕනෑම බලයට කෑදර පුද්ගලයකු බැහැර කළ හැකි බව පුරවැසියන් ඔප්පු කර ඇති බවයි.
රටේ ස්ථාවරත්වය සහතික කිරීම සඳහා සියලු දෙනාටම වගකීමක් ඇති බව පැවසූ පාර්ලිමේන්තු මන්ත්රී වීරවංශ මහතා, බොහෝ පිටස්තර පුද්ගලයින්ට මෙම කලබලයෙන් ප්රයෝජන ගැනීමට උත්සාහ කළ හැකි බව පැවසීය.
වගකිවයුතු දේශපාලන කණ්ඩායම් වශයෙන් රට ස්ථාවර කරන අන්තර්කාලීන ආණ්ඩුවක් පිහිටුවීමට සියලු දෙනා වගබලා ගත යුතු බවත් එමඟින් ජනතාවට සුදුසු ආණ්ඩුවක් පත් කර ගැනීමට අවස්ථාව සැලසිය යුතු බවත් මන්ත්රීවරයා පැවසීය.
