(UTV | කොළඹ) – මෙවර අයි පී එල් තරගාවලියේ රාජස්ථාන් රෝයල්ස් කණ්ඩායමේ වේග පන්දු යැවීමේ පුහුණුකරු ලෙස හිටපු සුපිරි ක්රීඩක ලසිත් මාලිංග පත්කර තිබෙනවා.
රාජස්ථාන් රෝයල්ස් කණ්ඩායම මීට සුළු වේලාවකට පෙර නිකුත්කළ මාධ්ය නිවේදනයක් මගින් මේ බව තහවුරු කර තිබුනා.
ලසිත් මාලිංග මීට පෙර මුම්බායි ඉන්ඩියන්ස් කණ්ඩායමේ පන්දු යැවීමේ උපදේශකයෙකු ලෙස ද කටයුතු කළා.
මෙවර අයි පී එල් තරගාවලිය ආරම්භ කිරීමට නියමිතව ඇත්තේ මාර්තු 26 වනදායි.
එදිනට චෙන්නායි සුපර් කින්ග්ස් හා කොල්කටා නයිට් රයිඩර්ස් කණ්ඩායම් මුම්බායි වැන්කඩේ ක්රීඩාංගනයේදි තරග වැදීමට නියමිතයි.
