(UTV | කොළඹ) – ජගත් මානව හිමිකම් කවුන්සිලයට හෝ වෙනත් ජාත්යන්තර පාර්ශවයන්ට අවශ්ය පරිදි වත්මන් රජය සිරකරුවන් සම්බන්ධයෙන් තීන්දු නොගන්නා බව ක්රීඩා අමාත්ය නාමල් රාජපක්ෂ මහතා අවධාරණය කරනවා.
ඔහු මේ බව කියාසිටියේ අම්බලන්ගොඩ පැවති වැඩසටහනකින් පසු මාධ්ය වෙත් අදහස් දක්වමිනුයි.
ජනාධිපතිවරයා සිය ප්රතිපත්ති ප්රකාශයෙන් සිරකරුවන් පුනරුත්ථාපනය කරන බවට ද පොරොන්දු වී ඇති බව ඔහු සඳහන් කළේය.
බන්ධනාගාරවල තදබදය අවම කිරීමටත්, නඩු විභාගයකින් තොරව රඳවාගෙන සිටින දීර්ඝ කාලීන සිරකරුවන් නිදහස් කිරීමටත් පරිපාලනය සැලසුම් කර ඇති බව අමාත්ය රාජපක්ෂ මහතා සඳහන් කළේය.
සිරකරුවන් ස්වාධීනව නිරීක්ෂණය කර ජනාධිපති සමාව ලබා දෙන බවට ඔහු සහතික විය.
ත්රස්තවාදය අවසන් කිරීම සම්බන්ධයෙන් බොහෝ රටවල් ශ්රී ලංකාවට විරුද්ධ වන බවත්, එහිදී සෑම විටම රජයට එරෙහිව චෝදනා එල්ල කරන බවත් අමාත්යවරයා අවධාරණය කළේය.
