(UTV | කොළඹ) – කොළඹ පාකිස්තාන මහ කොමසාරිස් කාර්යාලය, ශ්රී ලංකා-පකිස්තාන මිත්රත්ව සංගමය එක්ව සිකුරාදා (21) මහ කොමසාරිස් කාර්යාලයේදී මිලාදුන් නබි උත්සවය සංවිධානය කරන ලදී.
පාකිස්තාන ඩයස්පෝරාවේ සාමාජිකයින් සහ පාකිස්ථානයේ ආධාරකරුවන් මෙම අවස්ථාවට සහභාගී වූහ. උත්සවය ආරම්භ වූයේ ශුද්ධ වූ කුර්ආනය පාරායනය කිරීමෙනි. පාකිස්තාන වැඩබලන මහ කොමසාරිස් තන්වීර් අහමඩ් මහතා නබිතුමාගේ උපන් දින වල වැදගත්කම පිළිබඳව අදහස් දැක්වූ අතර මුහම්මද් නබි (සල්) තුමාගේ විශේෂ පෞරුෂය පැහැදිලි කළේය. මෙයින් පසු, කසීදා ගායනා කරන ලද අතර සහභාගිවූවන් නබි (සල්) තුමා වෙනුවෙන් සාම්ප්රදායික ශ්රී ලාංකික ආකාරයෙන් ප්රාර්ථනා කළහ. සිකුරාදා ජුම්මා යාඥාවෙන් පසු ආරම්භ වූ මෙම උත්සවයේ ශ්රී ලංකාවේ, පකිස්ථානයේ සහ ලෝකයේ සාමය සහ සෞභාග්යය පතා විශේෂ යාඥාවන් ඇතුළත් විය. අවසාන වශයෙන්, සහභාගී වූවන් සඳහා ශ්රී ලංකා සහ පකිස්ථාන සම්ප්රදායික දිවා ආහාර පිළියෙල කරන ලදී.
මෙම විශේෂ අවස්ථාව වෙනුවෙන්, පාකිස්තාන මහ කොමසාරිස් කාර්යාලය ලංකාව පුරා මෙන්ම ලොව පුරා සිටින මුස්ලිම් ජනතාවට ඊද් මිලාද් සුබ පැතුම් පිරිනමයි.
