(UTV | කොළඹ ) – ඇතැම් පුද්ගලික බස් රථ ආසන ප්රමාණය ඉක්මවා මගීන් රැගෙන යන බවට තොරතුරු වාර්තා වී ඇතැයි ජාතික ගමනා ගමන කොමිෂන් සභාව පවසයි.
ඒ සම්බන්ධ පැමිණිලි 1955 දුරකතන අංකයට ලබා දිය හැකි බව එහි අධ්යක්ෂ ජනරාල් කමාන්ඩර් නිලාන් මිරැන්ඩා සඳහන් කළේය.
අනතුරුව අදාළ පැමිණිලි බස්නාහිර පළාත් මාර්ගස්ථ මගී ප්රවාහන අධිකාරිය වෙත යොමු කරන බව ද ඔහු සඳහන් කළේය.
කොරෝනා වසංගත තත්ත්වය සමග මගී ප්රවාහන බස් රථවල ආසන සංඛ්යාව ඉක්මවා මගීන් රැගෙන යෑම තහනම් බව ප්රවාහන අමාත්යාංශය සඳහන් කළේය.
