(UTV | කොළඹ ) – තමිල්නාඩුවේ, රාමනාදන්පුරම් ප්රදේශයේදී ශ්රී ලංකාවට එවීමට සුදානම් කර තිබු රුපියල් කෝටි ගණනක වටිනාකමකින් යුත් මත්ද්රව්ය තොගයක් ඉන්දීය විශේෂ පොලිස් ඒකකයක් විසින් අත්අඩංගුවට ගෙන තිබේ.
මෙම මත්ද්රව්ය තොගය සමග සැකකරුවන් 09 දෙනෙකු ද අත්අඩංගුවට ගෙන ඇත.
තවද ඔවුන් සතුව තිබී ජංගම දුරකථන 30ක්, යතුරුපැදි දෙකක් සහ මෙම මත්ද්රව්ය ශ්රී ලංකාවට යැවීමට සුදානම් කොට තිබු බෝට්ටුවද සිය භාරයට ගැනීමට ඉන්දියානු පොලිසිය සමත්ව තිබේ.
කොවිඩ් – 19 වසංගතය හමුවේ ඉන්දියාව තුළ ඇඳිරි නීතිය පවතින වාතාවරණයක සැකකරුවන් පොලිසියට සාවද්ය තොරතුරු සපයා ඇඳිරි නීති බලපත්රයක් ද ලබා ගෙන ඇති බවටයි කරුණු හෙළිව ඇත.
මෙලෙස අත්අඩංගුවට ගෙන ඇති මත්ද්රවය අතර අයිස්, හෙරොයින්, වර්ග රැසක් තිබී ඇති අතර එහි වටිනාකම ඉන්දීය රුපියල් කෝටි 5 ත් 7 ත් අතර වන බව එරට පොලිසිය සඳහන් කළේය.
මෙම මෙහෙයුම සඳහා විශේෂ විමර්ශන නිලධාරින් ඇතුළු පොලිස් කණ්ඩායම් 08 ක් එක්ව සිටි බවයි ඉන්දීය වාර්තා කියාසිටියේය.
