(UTV| කොළඹ) – මෙරට නිවාසවල ගෘහ සේවයේ යෙදෙන සේවක සේවිකාවන් සඳහා නිශ්චිත වැටුප් හෝ දීමනා ක්රමයක් ගෘහ සේවක සංගමය විසින් හදුන්වා දී තිබේ.
ගෘහ සේවක සංගමය මගින් නිකුත් කර ඇති නිවේදනයකට අනුව දිවයිනේ ඕනෑම ප්රදේශයක නිවසක ගෘහ සේවයේ යෙදෙන පිරිස සඳහා ගෙවනු ලබන වැටුප දින, පැය හා මාසික වශයෙන් වෙන් කර සකස් කර ඇත.
ඒ අනුව නිවසක පැයක් සේවය කිරීම වෙනුවෙන් ඔවුන්ට ලැබිය යුතු දීමනාව රුපියල් 200 ක් වන අතර පැය හතරක සේවා කාලයක් සඳහා ඔවුන් ලබා ගත යුතු දීමනාව රුපියල් 450 ක් ලෙසද පැය අටක සේවය සඳහා ලබා ගත යුතු දීමනාව රුපයල් 850 ක් ලෙසද මාසිකව වැටුප් ලබා ගන්නේ නම් මාසික වැටුප රුපියල් 25,000 ක් විය යුතු බවත් ඔවුහු තම වැටුප් නිශ්චය කර තිබේ.
කෙසේවෙතත් මෙම නිශ්චිත දීමනා හෝ වැටුප් ගෘහ සේවක සේවිකාවන් සඳහා ලැබෙන බව ස්ථිර කර ගැනීම සඳහා ගෘහ සේවක සංගමය දිවයිනේ බොහෝ ප්රදේශවල ඔවුන්ගේ කාර්යාල පිහිටවීම ආරම්භ කර ඇති අතර පසුගියදා එහි එක් කාරයාලයක් වවුනියාවේදී විවෘත කළ බව ඔවුන් වැඩිදුරටත් පවසයි.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්රීය කරගන්න.[textmarker color=”8a6d3b”] UTV alerts සක්රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
