(UTV|JAPAN) ஜப்பானின் சப்போரோ பகுதியில் கொண்டாடப்படும் பனித்திருவிழாவை யொட்டி, உருவாக்கப்பட்டுள்ள பனிச்சிற்பங்கள் பொதுமக்களை வெகுவாகக் கவர்ந்துள்ளன.
குறித்த சப்போரோ பனித் திருவிழா, ஜப்பானின் வடக்கு பகுதியில் கொண்டாடப்படும் மிகவும் சிறப்பு வாய்ந்த குளிர்கால திருவிழா ஆகும்.
பெப்ரவரி மாதத்தில் 7 நாட்கள் தொடர்ந்து நடைபெறும், இவ்விழா இன்று தொடங்கி வரும் 11-ம் தேதி வரை தொடர்ந்து நடைபெறும். இதில்,ஆண்டுதோறும் சுமார் 2 மில்லியன் மக்கள் கலந்து கொள்வார்கள்.
பனித்திருவிழாவை யொட்டி, இந்த நகரத்தின் மூன்று பகுதிகளில் பனிச்சிற்பங்கள் பரவலாக அமைக்கப்பட்டுள்ளன. மேலும், சுமார் 200-க்கும் மேற்பட்ட பனிச்சிற்பங்கள் செய்யப்படுகின்றன.
புகழ்பெற்ற கார்ட்டூன்கள், மலைகள், கட்டிடங்களின் வடிவமைப்பு, பனிக்குகைகள், விளையாடும் சிறுவர்கள், குதிரை பந்தயம் போன்ற அமைப்பில் இந்த பனிச்சிற்பங்கள் உள்ளன.
