ශ්රී ලංකාවට බලපෑ අයහපත් කාලගුණික තත්ත්වය හේතුවෙන් ඇති වූ හානි අතරේ බිම වැටී ඇති ෆයිබර් (තන්තු) සහ Copper (තඹ) කේබල් ඉවත් කිරීම හෝ කපා දැමීම සිදු නොකරන ලෙස මොබිටෙල් විසින් ඉල්ලා සිටියි.
එම කේබල් බිම වැටී තිබුණ ද ක්රියාත්මක වන බව මොබිටෙල් සමාගම අවධාරණය කරයි.
ඒවා ඉවත් කිරීම හෝ කපා දැමීම හේතුවෙන් නගර ගණනාවකට සන්නිවේදන අපහසුතාවයන්ට මුහුණ දීමට සිදු වූ සිදුවීම් දැනටමත් වාර්තා වී ඇති බවට මොබිටෙල් සමාගම ප්රකාශ කරයි.
මෙම අර්බුදකාරී අවස්ථාවේදී සන්නිවේදනය මැනවින් පවත්වාගෙන යෑමේ කාර්යභාරය සඳහා, මොබිටෙල් Fibre සහ Copper කේබල් වලට හානි සිදුවීමට ඉඩ නොදී, සියලු දෙනාගේ වටිනා සහයෝගය ද ලබාදෙන ලෙසට මොබිටෙල් සමාගම සියලු දෙනාගෙන්ම ඉල්ලා සිටී.
මොබිටෙල් ආයතනය මෙම ආපදා අවස්ථාවේදී ශ්රී ලාංකික ජනතාව සමඟ නිරන්තරයෙන් සිටින බවත් , ඔවුන්ට උපරිමයෙන් සහාය ලබාදීම තම අභිප්රාය බවත් වැඩිදුරටත් සඳහන් කරයි.
