ආරක්ෂක අමාත්යාංශයේ වාර්තා මත ප්රභූ ආරක්ෂක කොට්ඨාසයේ නිලධාරීන් යෙදවීම සම්බන්ධයෙන් වෙනස්කම් රැසක් සිදු කිරීමට ආණ්ඩුව තීරණය කර තිබේ.
මේ යටතේ ප්රභූ ආරක්ෂාව දී ඇති පුද්ගලයන්ගේ ආරක්ෂාව ඉවත් කිරීම සම්බන්ධයෙන් මෙතෙක් තීරණයක් ගෙන නැතත්, ඔවුන්ට දිය යුතු නිලධාරීන් සංඛ්යාව පිළිබඳ නව සමාලෝචනයක් සිදු කිරීමට නියමිතය. එසේම සිවිල් ආරක්ෂක දෙපාර්තමේන්තුවේ නිලධාරීන් විවිධ සේවා සඳහා යොදවා ඇති ස්ථාන පිළිබඳ විධිමත් වාර්තාවක්ද ආණ්ඩුව ලබාගෙන තිබේ.
ඒ වාර්තාවට අනුව සිවිල් ආරක්ෂක දෙපාර්තමේන්තුවේ නිලධාරීන්ගේ සේවය ගන්නා ස්ථාන වර්ගීකරණය කොට, ඒ ස්ථානවලට අනුයුක්ත කෙරෙන නිලධාරීන් සංඛ්යාව කොපමණද යන්න සම්බන්ධයෙන් ද තීරණ කිහිපයක් ගැනීමට නියමිතය.
ඒ නිලධාරීන් වඩාත් කාර්යක්ෂම සහ විධිමත් ලෙස ආරක්ෂක සහ වෙනත් කටයුතු සඳහා යොදවාගැනීමේ අරමුණින් මේ තීරණය ගෙන ඇති අතර, සිවිල් ආරක්ෂක නිලධාරීන්ගේ සේවය අලුතින් ඉල්ලා ඇති ස්ථාන සම්බන්ධයෙන්ද මේ යටතේ තීරණයක් ගැනීමට නියමිතය.
