රත්නපුර, හිඳැල්ලන ප්රදේශයේ දෙපිරිසක් අතර ඇතිවූ ආරවුලක් හේතුවෙන් එක් පුද්ගලයකු ජීවිතක්ෂයට පත්ව තිබේ.
පහරදීමෙන් මෙම ඝාතනය සිදුකර ඇති අතර, තවත් පුද්ගලයන් දෙදෙනෙකුට තියුණු ආයුධවලින් පහර දී බරපතළ තුවාල සිදුකර ඇති බවද වාර්තා වේ.
ඊයේ (22) රාත්රී කාලයේදී අදාළ සිද්ධිය වාර්තා වූ බව පොලීසිය පවසයි.
පහරදීමෙන් මියගොස් ඇත්තේ, 65 හැවිරිදි හිඳැල්ල ප්රදේශයේ පදිංචිකරුවකු වන අතර, තුවාලකරුවන් අවුරුදු 36 හා 37 වයසේ පසුවන මරණකරුගේ පුතුන් දෙදෙනා බව පොලීසිය වාර්තා කරයි.
කලක සිට පැවති ඉඩම් ආරවුලක් හේතුවෙන් ඇතිවූ බහින්බස් වීමක් දුරදිග යාමෙන් එම අපරාධය සිදුව ඇති බවට මූලික විමර්ශනවලදී අනාවරණය වී තිබේ.
අපරාධය සම්බන්ධයෙන් සැකකාරියන් දෙදෙනෙකු හා සැකකරුවෙකු අත්අඩංගුවට ගෙන ඇති අතර, ඔවුන් වයස අවුරුදු 18, 65 හා 48 යන වයස්වල පසුවන එම ප්රදේශයේම පදිංචිකරුවන් බව සඳහන් වේ.
සිද්ධියට සම්බන්ධ තවත් සැකකරුවන් හඳුනාගෙන ඇති අතර, අත්අඩංගුවට ගැනීම සඳහා රත්නපුර පොලීසිය වැඩිදුර විමර්ශන සිදුකරයි.
