අරගලකරුවන් ජනාධිපති මන්දිරයට අයූතු ලෙස ඇතුළු වූ අවස්ථාවේදී එහි තිබී මුදල් සොයා ගැනීමේ සිද්ධිය සම්බන්ධයෙන් බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතාට එරෙහිව කොළඹ කොටුව මහෙස්ත්රාත් අධිකරණය හමුවේ ගොනුකර ඇති පුද්ගලික පැමිණිල්ල විභාග කිරීම වළක්වාලමින් අභියාචනාධිකරණය තාවකාලිකව අතුරු නියෝගයක් නිකුත් කර තිබේ.
එමෙන්ම දේශබන්දු තෙන්නකෝන් මහතාට අධිකරණය හමුවේ පෙනී සිටින ලෙස දන්වා නිකුත් කර ඇති සිතාසිය පදනම් කරගෙන ඉදිරි පියවර ගැනීම වළක්වාලමින් අභියාචනාධිකරණය කොටුව මහේස්ත්රාත්වරයා වෙත තවත් අතුරු නියෝගයක් නිකුත් කර ඇති බව අද දෙරණ අධිකරණ වාර්තාකරු පැවසුවා.
දින 14 කට බලපැවැත්වෙන පරිදි එම අතුරු නියෝග නිකුත් කර තිබේ.
අදාළ පෙත්සමේ වගඋත්තරකරුවන් ලෙස නම් කර සිටින කොටුව මහෙස්ත්රාත් තිළිණ ගමගේ සහ සේනක මහින්දවංශ ජයසිංහ යන අය වෙත ලබන 28 වනදා අධිකරණයේ කරුණු දක්වන්නැයි දන්වා නොතීසි නිකුත් කරන ලෙසත් අභියාචනාධිකරණය විසින් නියෝග කර තිබේ.
එමෙන්ම අදාළ පුද්ගලික පැමිණිල්ල ලබන 28 වනදා තෙක් කැඳවීමෙන් හෝ විමසීමෙන් වළකින ලෙසත් අභියාචනාධිකරණය විසින් කොටුව මහෙස්ත්රාත් අධිකරණයට වැඩිදුරටත් නියෝග කර ඇති බව සඳහන්ය.
