(UTV | කොළඹ) – තුර්කියේ විදේශ කටයුතු පිළිබඳ අමාත්ය Mevlüt Çavuşoğlu මහතා ශ්රී ලංකාවේ එක් දින නිල සංචාරයක් සදහා අද(28) දින අලුයම කටුනායක ගුවන් තොටුපළ වෙත පැමිණියේය .
එතුමා සමග මෙම සංචාරය සදහා එරට රාජ්ය දූත පිරිස ලෙස 13 දෙනෙකු එක්ක තුර්කියට අයත් විශේෂ ගුවන් යානයකින් අද දින අලුයම 06.00 ට කටුනායක ගුවන් තොටුපළ වෙත පැමිණ තිබුණි .
ඔවුන් පිළිගැනීම සදහා රාජ්ය අමාත්ය තාරක බාලසූරිය මහතා සහ ශ්රී ලංකාවේ තුර්කි තානාපතිවරයා ඇතුළු පිරිසක් ද කටුනායක ගුවන් තොටුපළ වෙත පැමිණ සිටියේය .
මෙම තුර්කි විදේශ කටයුතු අමාත්යවරයා ඇතුළු දූත පිරිස , ශ්රී ලංකාවේ සිය එක් දින සංචාරය නිමා කර අද දින පස්වරු 03.15 ට ඔවුන් පැමිණි තුර්කියට අයත් විශේෂ ගුවන් යානයෙන්ම ආපසු කටුනායක ගුවන් තොටුපළෙන් පිටත්ව යාමට නියමිතය .
