(UTV | කොළඹ) – රාජ්ය සේවය සඳහා අලුතින් බඳවාගත් උපාධිධාරි අභ්යාසලාභීන් අතරින් 15,000 ක පිරිසක් ගුරුවරුන් ලෙස පාසල් පද්ධතිය තුළ පුහුණුව ලබාදීම සඳහා අනුයුක්ත කිරීමට සැලසුම් කර ඇති බව අධ්යාපන අමාත්ය ඩලස් අලහප්පෙරුම මහතා සඳහන් කළේය.
මේ සඳහා අනුමැතිය ඉල්ලා මැතිවරණ කොමිෂන් සභාවෙන් ලිඛිත ඉල්ලීමක් කර ඇති බව ද අමාත්යවරයා පැවසීය.
රැකියා විරහිත උපාධිධාරින් රැකියාගත කිරීමේ වැඩසටහන යටතේ උපාධිධාරි අභ්යාසලාභීන් 42,919 දෙනෙකුට මේ වන විට පත්වීම් ලිපි නිකුත් කර ඇත.
අමාත්යවරයා වැඩිදුරටත් සඳහන්කර සිටියේ මහ මැතිවරණය අවසන් වීමෙන් පසු තවත් අභ්යාසලාභීන් 7000 කට පත්වීම් ලිපි නිකුත් කිරීමට පියවර ගන්නා බවයි.
