(UTV | කොළඹ) – අම්පාර උහන ලාතුගල මාර්ගයේදී පොලිස් විශේෂ කාර්යය බළකායේ නිළධාරින් කණ්ඩායමකට පහරදී රාජකාරියට බාධා කිරීමේ සිද්ධියක් සම්බන්ධයෙන් සැකකරුවන් 4 දෙනෙකු පොලිසිය විසින් අත්අඩංගුවට ගෙන තිබේ.
පොලිසිය සඳහන් කළේ මෙම පහරකෑමට ලක්වූ නිළධාරින් අතරින් එක් අයෙක් සුලු තුවාල ලබා ඇති බවයි.
ඔවුන් පැමිණි ත්රිරෝද රථයට වෙනත් ත්රිරෝද රථයකින් පැමිණි පිරිසක් මග හරස් කර නතර කර පහරදී ඇති අතර, එහිදී එක් නිලධාරියෙකු තුවාල ලබා තිබේ.
ත්රිරෝද රථයටද සැකකරුවන් අලාභහානි සිදුකර ඇති බවයි පොලිස් මාධ්ය කොට්ඨාශය සඳහන් කළේ.
සිද්ධිය සම්බන්ධයෙන් අත්අඩංගුවට ගත් සැකකරුවන් අද අම්පාර මහේස්ත්රාත් අධිකරණය හමුවට ඉදිරිපත් කිරීමට නියමිතයි.
