(UTV | බ්රිතාන්ය) – මහ රැජිනගේ අභාවයත් සමග ඇයගේ වැඩිමහල් පුත්රයා වන චාල්ස් කුමරු බ්රිතාන්යයේ රජු බවට පත්වනු ඇත.
ඔටුන්න වහාම කිරුල හිමි චාල්ස් කුමරු වෙත ලබා දීමට නියමිත අතර ඔහු නිල වශයෙන් III චාල්ස් රජු ලෙස හැඳින්වීමට නියමිතයි.
පෙරවරු 10 ට චාල්ස් කුමරු නිල වශයෙන් රජෙකු ලෙස ප්රකාශයට පත් කිරීමට නියමිතයි. අනතුරුව ඔහු අගමැති ලිස් ට්රස් සහ අනෙකුත් රජයේ නිලධාරීන් හමුවනු ඇති.
නව රජු පැවසුවේ මවගේ අභාවය “මට සහ මගේ පවුලේ සියලුම සාමාජිකයින්ට ඇති ලොකුම ශෝකය” බවයි.
එක්සත් රාජධානියේ දීර්ඝතම කාලයක් රජකම් කළ දෙවන එලිසබෙත් රැජින වයස අවුරුදු 96 ක්ව සිටියදී අභාවප්රාප්ත වුණා.
ඇය බ්රහස්පතින්දා පස්වරුවේ Balmoral Castle හිදී සාමකාමීව මිය ගිය බවයි බකින්හම් මාලිගය පවසන්නේ. දින දෙකකට පෙර රැජින විසින් පත් කරන ලද අගමැති ලිස් ට්රස් ඇයව විස්තර කළේ “නූතන බ්රිතාන්යය ගොඩනඟන ලද පර්වතය” ලෙසින්.
