(UTV | කොළඹ) – දැවැන්ත මූල්ය අර්බුදයකට මුහුණ පා සිටින ශ්රී ලංකාව ජාත්යන්තර මූල්ය අරමුදල (IMF)වෙත යොමු නොවී චීනයේ මුල්ය ආධාර මත යැපීමෙන් ශ්රී ලංකා රජය විශාල මූල්ය අර්බුදයකට මුහුණ පා සිටින බව පාර්ලිමේන්තු මන්ත්රී මුජිබර් රහුමාන් මහතා පැවසීය.
මේ සම්බන්ධයෙන් වැඩිදුරටත් අදහස් දැක්වූ ඒ මුජිබර් රහුමාන් මහතා;
“මේ වසරේ ආසියානු ඩොලර් බැඳුම්කරවල ඉහළම ප්රතිශතය රාජ්ය ණය ප්රමාණය වීමෙන් පසු ශ්රී ලංකාවේ ආර්ථික තත්ත්වය මෙතෙක් පැවති දරුණුතම අවපාතයකට මුහුණ දෙමින් සිටී. පසුගිය මාර්තු මාසයේදී ශ්රී ලංකාවට ඩොලර් බිලියන 1.5 ක වටිනාකමින් යුත් මුදල් හුවමාරු මාර්ගයක් චීනයෙන් ලැබුණු අතර, රජයට සිය ණය ගෙවීමට නොහැකි වීම නිසා බරපතල තත්ත්වයක් හට ගෙන තිබේ.
ජාත්යන්තර මූල්ය අරමුදල වෙත යොමු නොවී මූල්ය පහසුකම් සපයාගැනීමට ශ්රී ලංකා රජය චීනය මත යැපීම රට තුළ අර්බුදයක් ඇති කිරීමට ඉඩ කඩ තිබෙනවා. විදේශ සංචිත ඩොලර් බිලියන 2.9 දක්වා පහත වැටීම, ජීවන වියදම ඉහළ යෑම සහ ආහාර අර්බුද ඇතිවීම ඉන් වැදගත්ම කරුණයි…”
