(UTV | කොළඹ) – ලබන ජූලි 01 වැනිදා සිට මෙරට උපදින සෑම පුද්ගලයෙකුටම නව ජාතික උප්පැන්න සහතිකයක් නිකුත් කිරීමට රෙජිස්ට්රාර් ජනරාල් දෙපාර්තමේන්තුව පියවර ගෙන තිබේ.
රෙජිස්ට්රාර් ජෙනරාල් ඩබ්ලිව් එම්.එම්.බී. වීරසේකර මහතා සඳහන් කළේ , මේ අනුව පුද්ගලයින්ගේ උපතේ සිට විපත දක්වා සියලු දත්ත පරිගණකගත කරන බවය.
විෂය භාර අමාත්ය චමල් රාජපක්ෂ මහතාගේ උපදෙස් මත මේ යටතේ දැනට පවතින උප්පැන්න සහතික ද යාවත්කාලින කර නව ජාතික උප්පැන්න සහතිකයක් ලබා දෙන බව රෙජිස්ට්රාර් ජෙනරාල් ඩබ්ලිව් එම්.එම්.බී. වීරසේකර මහතා සඳහන් කළේ ය.
